శ్రీ విష్ణు సహస్రనామాలు -(బాల పంచపది )-ఎం. వి. ఉమాదేవి

221)న్యాయః -

సత్యజ్ఞానము ప్రసాదించువాడు

తర్కము తానైనట్టివాడు

యుక్తిని కలిగించగలవాడు

న్యాయము చేయగల సమర్థుడు 

శ్రీ విష్ణు సహస్రనామాలు!ఉమా!

222) -నేతా-

జగత్తుకు అధినేతయైనవాడు

విశ్వ సారధియైనట్టి వాడు

నాయకుడయి నడిపించేవాడు

మంచిచెడులు నేర్పించువాడు 

శ్రీ విష్ణు సహస్రనామాలు ఉమా!

223)సమీరణః -

ప్రాణవాయువు తానైనవాడు

గాలిరూపములో నుండువాడు

శ్వాసకు ఆధారమైనవాడు

ఊపిరిని అందించువాడు 

శ్రీ విష్ణు సహస్ర నామాలు ఉమా!

224)సహస్రమూర్థః -

సహస్ర శిరస్సులు గలవాడు

వేయివిధముల శాసించువాడు

అన్నియు తానేఅయినట్టివాడు

వేయితలలున్న ఆదిశేషుడు 

శ్రీ విష్ణు సహస్ర నామాలు ఉమా!

225)విశ్వాత్మా -

విశ్వముకు ఆత్మయైనట్టివాడు

లోకముకు కదలికలిచ్చువాడు

ప్రజలను నడిపించేవాడు

ప్రకృతిని శాశించగలవాడు 

శ్రీ విష్ణు సహస్రనామాలు ఉమా!

(సశేషం )