శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

311)శిఖండీ-

శిఖలో నెమలిపింఛమున్నవాడు 

కృష్ణ అవతారమున్నవాడు 

నెమలిపురిబోలినట్టి వాడు 

నెమలి ఈకను ధరించినవాడు 

శ్రీ విష్ణు సహస్రనామాలు ఉమా!

312)నహుషః -

మాయచే బంధించువాడు

సంసారమగ్నులను చేయువాడు

కర్మలను కలిగించుచున్నవాడు

ఫలితములు ఇచ్చినవాడు 

శ్రీ విష్ణు సహస్రనామాలు ఉమా!

313)వృషః -

ధర్మమును పాటించుచున్నవాడు

ధర్మస్వరూపం తానైనవాడు

కర్మలలో ధర్మమును చేర్చువాడు

అధర్మమును అణిచివేయువాడు 

శ్రీ విష్ణు సహస్ర నామాలు ఉమా!

314)క్రోధహా -

సాధకుల క్రోధమునణచువాడు

సరియైనమార్గం చూపువాడు

క్రోధభావనలు తీసివేయువాడు

శాంతిని ప్రసాదించువాడు 

శ్రీ విష్ణు సహస్రనామాలు ఉమా!

315)క్రోధ కృత్కర్తా -

క్రోధమున్నవారిని హరించువాడు

కోపతాపములు తొలగించువాడు

కాఠిన్యభావము నిర్జించువాడు

సాత్వికధోరణి నిలుపువాడు 

శ్రీ విష్ణు సహస్రనామాలు ఉమా!

(సశేషం )