శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

196)పద్మనాభః -

నాభియందు పద్మమున్నట్టివాడు 

సర్వజీవులకు హృదినున్నవాడు 

హృదయపద్మమునున్నవాడు

పద్మనాభుడై భాసిల్లువాడు 

శ్రీ విష్ణు సహస్రనామాలు!ఉమా!

197) ప్రజాపతిః -

అనంతవిశ్వ ప్రభువైనవాడు

జీవకోటికి రాజైనట్టివాడు

పాలనము జేయుచుండువాడు

విశ్వమును నడిపించుచున్నవాడు 

శ్రీ విష్ణు సహస్రనామాలు ఉమా!

198)అమృత్యుః -

మృత్యువులేనట్టి దివ్యతున్నవాడు

మరణము దాపులకు రానివాడు

మరణకారణమెరుగని వాడు

అమృతతత్వం కలిగినవాడు 

శ్రీ విష్ణు సహస్ర నామాలు ఉమా!

199)-సర్వదృక్ -

సహజజ్ఞానముగలిగిన వాడు

ప్రాణులు చేసింది చూచువాడు

సర్వులచర్యలు గమనించువాడు

సర్వలోక గ్రాహ్యమున్నవాడు 

శ్రీ విష్ణు సహస్ర నామాలు ఉమా!

200)సింహః - 

సింహరూపములో నున్నవాడు

పాపములను నశింపజేయువాడు

ప్రహ్లాదరక్షణ చేసినవాడు

నరసింహావతారమునున్న వాడు 

శ్రీ విష్ణు సహస్రనామాలు ఉమా!

(సశేషం )