కళ్ళకు!!;- సునీతా ప్రతాప్ ఉపాధ్యాయిని పాలెం.

కళ్ళకు అప్పుడప్పుడు

రాళ్లు కాదు-పూలు కనబడాలి!!

కళ్ళకు అప్పుడప్పుడు

కన్నీళ్లు కాదు-నీళ్లు కనబడాలి!!!

కళ్ళకు అప్పుడప్పుడు

భూతాలు కాదు-పంచభూతాలు కనబడాలి.

కళ్ళకు అప్పుడప్పుడు

మందిరం కాదు-సహజ సౌందర్యం కనబడాలి.!!

కళ్ళకు అప్పుడప్పుడు

సహజ ప్రకృతి కాదు-నూతన

కృత్రిమ లోకము కనబడాలి!!

కళ్ళకు అప్పుడప్పుడు

కదలని సముద్రం కాదు-పారే

నదులు జలపాతాలు కనబడాలి.!!!

కళ్ళకు అప్పుడప్పుడు

ఎర్రని ఎరుపు రంగే కాదు-ఆకు పచ్చని

పచ్చిక బయల్లు కనబడాలి!!!!

కళ్ళకు అప్పుడప్పుడు

సూర్యోదయం సూర్యాస్తమయాలే కాదు-

చంద్రోదయాలు కనబడాలి!!!!?

కళ్ళకు అప్పుడప్పుడు

చిమ్మ చీకటే కాదు-

వెన్నెల - వెలుగులు  కనపడాలి!!!

కళ్ళకు అప్పుడప్పుడు

శ్రీ లు కాదు-స్త్రీలు కనబడాలి!!!!

 అప్పుడు కళ్ళు మూసిన 

కళ్ళు తెరిచిన కన్నీళ్లు రావు!!!!!?

సునీతా ప్రతాప్ ఉపాధ్యాయిని పిఎస్ నంది వడ్డేమాన్ నాగర్ కర్నూల్ జిల్లా.