సర్వం నువ్వే;- :గుండాల నరేంద్ర బాబుతెలుగు సాహిత్య పరిశోధకులుశ్రీవెంకటేశ్వర విశ్వ విద్యాలయం, తిరుపతి=సెల్ :9493235992

పల్లవి :

ఎక్కడమ్మా నీవు లేనిది

ఏమిటమ్మా చేయలేనిది

నేల నీదే నింగి నీదే

నింగినేలా నడుమ నీదే 

చరణం :1

జగతికి ఆధారం నీవే

ప్రగతికి ఆధారం నీవే

సృష్టికి ప్రతి సృష్టి నీవే

దృష్టికి సమభావన నీవే

చరణం :2

మమతకి ఆదర్శం నీవే

సమతకి శ్రీకారం నీవే

ఆకృతి ఆలంబన నీవే

సుకృతి శుభదీవెన నీవే

చరణం :3

ప్రేమకి ప్రాకారం నీవే

జన్మకే సార్ధకం నీవే 

ప్రకృతి ప్రతిరూపం నీవే

సంస్కృతి ప్రతిబింబం నీవే

చరణం :4

వికృతి విరుగుడే నీవే

విశ్రమించని జీవే నీవే 

విజయ సంకేతమే నీవే

వెలలేని పరిశ్రమే నీవే

చరణం :5

నిస్వార్ధ నిలువెత్తు రూపం

నిదర్శనమే బ్రతుకు మొత్తం

ఆత్మీయ ఆతిథ్యమే నిత్యం

అమృతమే ఆ చేతి వంటకం

====================================

( మార్చ్ 08అంతర్జాతీయ మహిళా దినోత్సవం సందర్భంగా రాసిన గీతం )