నేను కవిని;- అంకాల సోమయ్య దేవరుప్పుల-జనగాం-9640748497

నేను కవిని

సామాజిక పరివర్తకుడిని

నేను కవిని

సమ సమాజ నిర్మాతను

నేను కవిని  

బక్కచిక్కినవాణ్ణి

సామాజిక సమస్యల్ని ఏకరువుపెట్టేవాడిని

అయినా

 కడుపాకలి తీర్చుకోలేక నిత్యం

తండ్లాడుతున్న వాడిని

నేను కవిని 

బడుగు బలహీనులకు

నేను బాసటగా నిలిచేవాడిని

నేను కవిని

సమస్యల  వలయంలో చిక్కుకున్న సమాజానికి

దిశానిర్దేశం చేసే వాడిని

నేను కవిని

ప్రజాపక్షపాతిని

నేను కవిని 

ప్రజలు ఎన్నుకొనని

ప్రజా ప్రతినిధిని

నేనుకవిని

నేను ఏ ఒక్కరి కోసం మో పరితపించే వాడిని కాదు 

నేను అందరివాణ్ణి