ధీమా వ్యక్తం!;- -గద్వాల సోమన్న,9966414580

గాలి మేడల్లో నివసిస్తాం

గగన వీధుల్లో పయనిస్తాం

జాబిలమ్మతో చెలిమి చేసి

వెన్నెలవానల్లో  తడిచొస్తాం

కొండకోనల్లో విహరిస్తాం

వెలుగునీడల్లో జీవిస్తాం

పెందలకడనే నిద్రపోయి

వేకువజాములో లేసేస్తాం

తగిన వేళల్లో స్పందిస్తాం

పున్నమి రోజుల్లో  మురిసేస్తాం

గెలుపు బాటల్లో నడిసేస్తాం

పూల తోటల్లో నడిపిస్తాం

కష్ట సమయాల్లో ఆదుకుంటాం

కరుణ హస్తాల్లో వాలిపోతాం

భరోసా కాసింత కల్పిస్తే

విజయ తీరాల్లో ఆడుకొంటాం