శ్రీవిష్ణు సహస్రనామాలు బాల పంచపది ఎం. వి. ఉమాదేవి

416)ఋతుః -

కాలములో ఋతువులైనవాడు

సమయం విభజన చేయువాడు

ఋతుధర్మం అనుసరించు వాడు

ప్రకృతిమార్పులు తానైనవాడు 

శ్రీ విష్ణు సహస్రనామాలు ఉమా!

417)సుదర్శనః -

భక్తికి దివ్యదర్శనమైనవాడు

విష్ణుచక్రము తానైనట్టివాడు

అమరావతియుందున్నవాడు

మనోహర దర్శనమిచ్చువాడు

శ్రీ విష్ణు సహస్ర నామాలు ఉమా!

418)కాలః -

శత్రువులను కబళిoచువాడు

కాలుడై సంహారం చేయువాడు

మృత్యువుగా సమీపించువాడు

చావురూపంలో శత్రునాశకుడు 

శ్రీ విష్ణు సహస్రనామాలు ఉమా!

419)పరమేష్టీః -

హృదయ గుహలో నుండినవాడు

అంతరంగ ప్రకాశమైనవాడు

పరబ్రహ్మము తానైనవాడు

పరమేష్టియై ప్రకాశించువాడు 

శ్రీ విష్ణు సహస్ర నామాలు ఉమా!

420)పరిగ్రహః -

ప్రియముతో పుచ్చుకొనువాడు

భక్తిని స్వీకరించుచున్నవాడు

భక్తులకు ఉపకరించువాడు

ఇష్ట స్వీకరణము చేయువాడు 

శ్రీ విష్ణు సహస్రనామాలు ఉమా!

(సశేషం )