శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

[2:13 pm, 6/03/2024] Umadevi Nelluru: 351)బుద్ధః -

విశ్వాకారములో నున్నట్టివాడు

ప్రపంచం రూపుదాల్చినవాడు

బుద్ధ జ్ఞానము నిచ్చునట్టివాడు

ధరణిలో భాసిల్లుచున్నవాడు

శ్రీ విష్ణు సహస్రనామాలు ఉమా!

352) వృద్ధాత్మాః -

సృష్టి పూర్వమునుండీగలవాడు

ఆత్మయందు జ్ఞానమున్నవాడు

అందరికి పెద్దయైనట్టి వాడు

విశ్వముకు మూలమైనవాడు 

శ్రీ విష్ణు సహస్రనామాలు ఉమా!

353)మహాక్షః -

గొప్పనేత్రాలున్నట్టి వాడు

పెద్దవైన కన్నులున్న వాడు

అన్నీ వీక్షించుచున్న వాడు

విశ్వ వీక్షణము చేయువాడు 

శ్రీ విష్ణు సహస్ర నామాలు ఉమా!

354)గరుడధ్వజ-

గరుడ పతాకమున్నట్టివాడు

ధ్వజము గరుత్మంతుడైనవాడు

వైనతేయ జెండాగలవాడు

గరుడ ధ్వజుడైనట్టి వాడు 

శ్రీ విష్ణు సహస్రనామాలు ఉమా!

355)అతులః -

సాటిలేని విభవమున్నవాడు

తూచలేని జ్ఞానముగలవాడు

చెప్పలేని తేజముగలవాడు

అతులిత బలమున్నవాడు

శ్రీ విష్ణు సహస్రనామాలు ఉమా!

(సశేషం )

[2:33 pm, 6/03/2024] Umadevi Nelluru: శ్రీ విష్ణు సహస్రనామాలు 

ఎం. వి. ఉమాదేవి 

(బాల పంచపది )6-3-2024

356)శరభః -

శరీరములందున్నట్టి వాడు

ప్రత్యగాత్మగా యున్నవాడు

వేర్వేరుగా ప్రభవించువాడు

ప్రకాశమును గలిగినవాడు 

శ్రీ విష్ణు సహస్రనామాలు ఉమా!

357)భీరుః -

భీకర శక్తిని గలిగినవాడు

వెనుదిరగని వీరుడైనవాడు

అపారశక్తినివ్వగల వాడు

అజేయునిగా నిలిచినవాడు 

శ్రీ విష్ణు సహస్రనామాలు ఉమా!

358)సమయజ్ఞః -

సర్వులను దీవించువాడు

సమభావనలనిచ్చు వాడు

సమాదరించుచున్నవాడు

ఆదరణ పూజగా తలచువాడు 

శ్రీ విష్ణు సహస్ర నామాలు ఉమా!

359)హవిర్హరిః -

యజ్ఞములకు వేంచేయువాడు

హవిస్సులు స్వీకరించువాడు

హరి రూపముననున్న వాడు

యజ్ఞఫలము నొసగినవాడు 

శ్రీ విష్ణు సహస్రనామాలు ఉమా!

360)సర్వ లక్షణలక్షణ్యః -

సర్వప్రమాణములున్న వాడు

సిద్ధజ్ఞానవంతుడైన వాడు

లక్షణములు నిర్ణయమైనవాడు

సర్వసాత్వికమైనట్టి వాడు

శ్రీ విష్ణు సహస్రనామాలు ఉమా!

(సశేషం )