శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

331)వాయువాహనః -

పవనములను నిలుపువాడు

గాలిని ప్రసారముజేయువాడు

వాయువును మోయునట్టివాడు

ఊపిరినిచ్చుచున్నట్టి వాడు 

శ్రీ విష్ణు సహస్రనామాలు ఉమా!

332)వాసుదేవః -

అంతటా నిండియున్నవాడు

విశ్వవ్యాప్తి చెందినట్టి వాడు

వసుదేవుని కొడుకైనవాడు 

కృష్ణభగవానుడయినవాడు 

శ్రీ విష్ణు సహస్రనామాలు ఉమా!

333)బృహుద్భానుః -

కిరణాలతో ప్రకాశించువాడు

సూర్యనారాయణుడైనవాడు

బృహుత్ కిరణములు గలవాడు

భానునితో సమానుడైనవాడు

శ్రీ విష్ణు సహస్ర నామాలు ఉమా!

334)ఆదిదేవః -

సృష్టికార్యానికి ఆరంభకుడు

దేవతలకు ముందేయున్నవాడు

అనంతమైనట్టి వాడు

విశ్వపాలనము జేయువాడు

శ్రీ విష్ణు సహస్రనామాలు ఉమా!

335)పురంధరః -

రాక్షసపురాలను కూల్చినట్టివాడు

ఇంద్రునితోటి సమానుడు

పుణ్యధామముల నుండువాడు

పౌరులనుద్ధరించువాడు

శ్రీ విష్ణు సహస్రనామాలు ఉమా!

(సశేషం )