శ్రీవిష్ణు సహస్రనామాలు బాల పంచపది ఎం. వి. ఉమాదేవి

401-వీరః -

పరాక్రమశాలియైన వాడు 

వీరులలో ఘనమైనవాడు

వీరముద్రికలున్నట్టి వాడు

శత్రువుల ఓడించగలవాడు 

శ్రీ విష్ణు సహస్రనామాలు!ఉమా!

402)శక్తి మతాంశ్రేష్ఠః -

శక్తిమంతులలో శ్రేష్ఠమైనవాడు

బలిమిని గలిగినట్టివాడు

ఉత్సాహము నున్నట్టివాడు

సత్వమును ఈయగలవాడు 

శ్రీ విష్ణు సహస్రనామాలు ఉమా!

403)ధర్మః -

ధర్మస్వరూపుడైనట్టి వాడు

న్యాయంమును నిలుపగలవాడు 

ఆచారము పాటించుచున్నవాడు

సామ్యము గలిగినట్టి వాడు 

 శ్రీ విష్ణు సహస్ర నామాలు ఉమా!

404)ధర్మవిధుత్తమః -

ధర్మము తెలిసినట్టి వాడు

ధర్మాచరణము చేయువాడు

విధులు నిర్వహించగలవాడు

ధర్మాచరణలో శ్రేష్ఠతున్నవాడు 

శ్రీ విష్ణు సహస్ర నామాలు ఉమా!

405)వైకుంఠః -

సృష్టి ఆదినుండి ఉన్నవాడు

శ్రేష్టమైన ప్రదేశమునుండువాడు

పంచభూత సమ్మేళనచేయువాడు

వైకుంఠనివాసియైన వాడు 

శ్రీ విష్ణు సహస్రనామాలు ఉమా!

(సశేషం )