శ్రీవిష్ణు సహస్రనామాలు బాల పంచపది ఎం. వి. ఉమాదేవి

391)తుష్టః -

సంతృప్తి గలిగించువాడు

తృప్తిని గలిగినట్టి వాడు

భక్తులకు తుష్టతనిచ్చువాడు

సంపూర్ణతలో నున్నట్టివాడు 

శ్రీ విష్ణు సహస్రనామాలు ఉమా!

392)పుష్టః -

పరిపూర్ణుడు అయినట్టివాడు

పూర్తిదివ్యత్వమున్న వాడు

పుష్టిని కలిగించగలవాడు

పూర్ణత్వమును ప్రసాదించువాడు 

శ్రీ విష్ణు సహస్ర నామాలు ఉమా!

393)శుభేక్షణః -

శుభదృష్టి గలిగినట్టివాడు

చూపుతో భాగ్యమిచ్చువాడు

ఆశీస్సులు ఒసగునట్టివాడు

శుభ వీక్షణము ఉన్నవాడు

శ్రీ విష్ణు సహస్రనామాలు ఉమా!

394)రామః -

నిత్యానందము నిచ్చుచున్నవాడు

చైతన్యము లోపలున్నవాడు

రమణీయమైనట్టి వాడు

అవతారస్వరూపమున్నవాడు

శ్రీ విష్ణు సహస్రనామాలు ఉమా!

395)విరామః -

జీవులకు శాంతినిచ్చువాడు

విరామస్థానము తానైనవాడు

విశ్రాంతిని ఇవ్వగలవాడు

తనదరికి చేర్చుకొనువాడు 

శ్రీ విష్ణు సహస్రనామాలు ఉమా!

(సశేషం )