శ్రీవిష్ణు సహస్రనామాలు బాల పంచపది ఎం. వి. ఉమాదేవి

411)హిరణ్యగర్భః -

పరబ్రహ్మ అవతారుడైనవాడు

బంగారు తామరనున్నవాడు

హిరణ్యగర్భ నామమున్నవాడు

పద్మనాభుని సుతుడైనవాడు 

శ్రీ విష్ణు సహస్రనామాలు!ఉమా!

412)శత్రుఘ్నః -

శత్రువులను సంహరించిన వాడు

రిపులను పారద్రోలిన వాడు

పగవారిని వెళ్లగొట్టువాడు

దండెత్తువార్ని తొలిగించువాడు 

శ్రీ విష్ణు సహస్రనామాలు ఉమా!

413)వ్యాప్తః -

సర్వత్రా వ్యాప్తిచెందినవాడు

అలుముకొనియున్నట్టి వాడు

ప్రసిద్ధికెక్కినట్టి వాడు 

భక్తులు పొందబడినట్టి వాడు 

 శ్రీ విష్ణు సహస్ర నామాలు ఉమా!

414)వాయుః -

వాయు రూపంలో నున్నవాడు

సకల పోషకుడు తానైనవాడు

సర్వత్రా ఆవరించినవాడు

గాలిని శ్వాసగా నిలుపువాడు

శ్రీ విష్ణు సహస్ర నామాలు ఉమా!

415)అధోక్షజః -

స్వరూపంనుండి తొలగించనివాడు

స్థితినుండి జారనీయనివాడు

అధోగతినీయనట్టి వాడు

స్థిరత్వము కలిగించువాడు

శ్రీ విష్ణు సహస్రనామాలు ఉమా!

(సశేషం )