తల్లి తండ్రి బంధువులు
ధనం గృహం.. అనునవి
భ్రాంతి నొసంగు మనకు
మేల్కొనండి! బుధులార!
( అష్టాక్షరీ గీతి, శంకర ప్రియ.,)
👌ఆధ్యాత్మిక దృష్టితో పరిశీలిస్తే; మనలను పెంచి పెద్దజేసిన.. తల్లిదండ్రులు, బంధువులు, అన్నదమ్ములు; అదే విధంగా... మనము సంపాదించిన డబ్బు, ఇల్లు... మున్నగునవి, మిధ్య వంటివి. అనగా, భ్రాంతిని కలిగించునవి! ఇవన్నియు నిజముగా లేవు. కావున, సాధకులార! మీరు సావధానులై ఉండండి! అని, మన మహర్షుల యొక్క దివ్య సందేశము!
⚜️మాతా నాస్తి, పితా నాస్తి
నాస్తి బంధు సహోదరః!
అర్థం నాస్తి, గృహం నాస్తి
తస్మాత్ జాగ్రత! జాగ్రత!!
🚩తేట గీతి
తల్లి దండ్రులు చుట్టాలు ధరణి పైన
అన్నదమ్ములు గృహములు అర్థ కోటి
అన్ని మిథ్యయే యనియెంచి అనవరతము
జాగరూకులై ఉండుడీ జనులెఱింగి!
( డా. శాస్త్రుల రఘుపతి.,)
*****************************
🚩తేట గీతి
తల్లిదండ్రులు, బంధులు, ధనము, గృహము,
సోదరులు, మిత్ర కోటియు, సుందరులును,
నిజమునకు లేవు తలపగ, నిత్యమైన
దొక్క బ్రహ్మమే, జాగ్రత్త నిక్కవమిది!
( "కవికల్పభూజ" చింతా రామకృష్ణారావు.,)
addComments
కామెంట్‌ను పోస్ట్ చేయండి