శ్రుతి రూపిణి - శ్రీ వాణి ;- కవిమిత్ర, శంకర ప్రియ., -సంచార వాణి:- 99127 67098

 🪷 జ్ఞాన విజ్ఞానములను
 అనుగ్రహించు చున్నావు!
     శ్రుతి రూపిణి! శ్రీ వాణి!
  శ్రీలలిత! జగన్మాత!
        (అష్టాక్షరీ గీతి , శంకర ప్రియ.,)
🚩"శ్రుతి" అనగా వేదము, జ్ఞానము, విజ్ఞానముల స్వరూపిణి.. శ్రీమాత! శుభ కార్యములకు ఫలము నొసగునది! రతిరూపిణి, రమణీయ గుణములు కలిగినది! శక్తిరూపిణి, శతపత్రనికేతని, జనని! పుష్టిరూపిణి, పురుషోత్తముని రాణి... శ్రీ వాణి! ఆ శ్రీమాతకు రెండుచేతులను జోడించి నమస్కరించు చున్నాను! అని; జగద్గురు శంకర భగవత్పాదుల వారు, భక్తి ప్రపత్తులతో శ్రీమహాలక్ష్మి దేవిని ప్రార్థించు చున్నారు!
      🪷ప్రార్థనా శ్లోకము
శ్రుత్యై నమోస్తు! శుభ కర్మ ఫల ప్రసూత్యై!
రత్యై నమోస్తు! రమణీయ గుణార్ణవాయై!
శక్ష్యై నమోస్తు! శతపత్ర నికేతనాయై!
పుష్ట్యై నమోస్తు! పురుషోత్తమ వల్లభాయై!!
          (శ్రీ కనకధారా స్తవము.. 13.వ. శ్లోకము, జగద్గురు ఆదిశంకరులు)
       🔆మత్తేభం వృత్తం
    లలితా! వందనముల్, శ్రుతిప్రియ నుతా! 
లావణ్య సౌశీల్య పు 
    ష్పలతా! వందనముల్, రతిప్రియ నుతా! సత్కర్మకృ ద్ధస్త క 
    ల్పలతా! వందనముల్, పరాక్రమ పరా! భక్త ప్రియాధార! వం  
    దలు వేల్ వందనముల్, వివర్ధనకరా! నైవాస్య పద్మాంతరా!
        [ తెలుగు సేత:- వెలుదండ సత్యనారాయణ., పరమార్థకవి.,]