అద్దాల మేడలో ఉన్నా
అందాల వాడలో ఉన్నా
మనశ్శాంతి దూరమైతే
ఒకటే కదా ఎక్కడున్నా
బంధాలు విచ్చిన్న మైనా
అనుబంధాలు విడిపోయినా
ఏకాకి కావాల్సిందే
మంచి మిత్రుని కోల్పోయినా
సిరి సంపదలు ఎంత ఉన్నా
అధికారమే కల్గియున్నా
"నా" అనే వారు లేకపోతే
గుండు సున్న ఎన్ని ఉన్నా
ఖరీదైన కార్లో తిరిగినా
విలాసాల బార్లో గడిపినా
మనసు గనుక ముక్కలైతే
శూన్యమే స్వర్గంలో ఉన్నా
బంధాలన్నీ బాగుండాలి
అందరి క్షేమం కాంక్షించాలి
జగదైక కుటుంబమై మనం
విశ్వశాంతికి పాటుపడాలి
addComments
కామెంట్ను పోస్ట్ చేయండి