శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

626)అనీశః -

తనకు ప్రభువులేనట్టివాడు 

నియామకుడు లేకుండినవాడు 

తనకుతనే ఈశ్వరుడైనవాడు 

ఆదిదేవునిగా యుండినవాడు 

శ్రీవిష్ణు సహస్రనామాలు ఉమా!

627)శాశ్వత స్థిరః -

శాశ్వతంగా నిలిచియున్నవాడు 

నిరూపించుచున్నట్టి వాడు 

స్థిరమైన మార్గమును చూపువాడు 

భక్తులకు శాశ్వతుడైయున్నవాడు 

శ్రీ విష్ణు సహస్రనామాలు ఉమా!

628)భూశయః -

భూమిపై శయనించుచున్న వాడు 

ఇటుకమీదనున్న పాండురంగడు 

ధరణిని అంటియున్నట్టివాడు 

భూశయనముకూడా చేయువాడు 

శ్రీ విష్ణు సహస్రనామాలు ఉమా!

629)భూషణః -

తనకు తానే నగయైనట్టివాడు 

స్వయం భూషణములున్నవాడు 

ధర్మాభరణము దాల్చినవాడు 

సత్యభూషణుడై రాజిల్లువాడు 

శ్రీ విష్ణు సహస్రనామాలు ఉమా!

630)భూతిః -

సర్వ ఐశ్వర్యములు గలవాడు 

సంపదలను పొందినవాడు 

సత్తాను కలిగియున్నట్టివాడు 

భస్మముదాల్చియున్నవాడు 

శ్రీవిష్ణు సహస్రనామాలు ఉమా!

(సశేషం )