శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

491)మహాదేవః -

మహాదేవుడుగా నున్నవాడు 

ముక్కంటి తానుగానున్నవాడు 

శివశక్తిని కలిగినట్టి వాడు 

అంతరాళము నిండినవాడు 

శ్రీ విష్ణు సహస్రనామాలు ఉమా!

492)దేవేశః -

సురేశ్వరుడైయుoడినవాడు 

దేవతలకు ఆజ్ఞలిచ్చువాడు 

దేవసంబంధమైనట్టి వాడు 

ప్రభుత్వం తానుగానున్నవాడు 

శ్రీ విష్ణు సహస్ర నామాలు ఉమా!

493)దేవ భృద్గురుః -

ఇంద్రునికి గురువైయున్నవాడు 

దేవగణముల శాసించువాడు 

సురలోకమును పాలించువాడు 

దేవతలకు గురువైన వాడు 

శ్రీ విష్ణు సహస్రనామాలు ఉమా!

494)ఉత్తరః -

అందరికన్ననూ అధికుడైనవాడు 

ఉత్తమ గుణములున్నట్టివాడు 

నక్షత్రవిశేషమైయున్న వాడు 

భక్తులకష్టము దాటించువాడు 

శ్రీ విష్ణు సహస్ర నామాలు ఉమా!

495)గోపతిః -

గోవులను పాలించునట్టివాడు 

నంద  నందనుడైన వాడు 

ధేనువుల సంరక్షణజేయువాడు 

గోకులముకు రాజైనవాడు 

శ్రీ విష్ణు సహస్రనామాలు ఉమా!

(సశేషం )