శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

496)గోప్తాః -

సర్వులనూ రక్షించువాడు 

కాచుటను స్వభావమున్నవాడు 

పాలకుడుగా మసలుచున్నవాడు 

సమూహమునుద్ధరించెడివాడు 

శ్రీ విష్ణు సహస్రనామాలు ఉమా!

497)జ్ఞానగమ్యః -

జ్ఞానముతోడి తెలియగలవాడు 

చివరి మజిలీ తానైనవాడు 

బుద్ధిని అనుసంధించువాడు 

జ్ఞానగమ్యముగా నిలిచియున్నాడు 

శ్రీ విష్ణు సహస్ర నామాలు ఉమా!

498)పురాతనః -

సృష్టికి పూర్వమున్నట్టివాడు 

పురాతనుడై తేజరిల్లువాడు 

ఇతిహాసము లందునున్నవాడు 

అవతార నిర్వహణ జేయువాడు 

శ్రీ విష్ణు సహస్రనామాలు ఉమా!

499)శరీరభూతకృత్ -

 శరీరముల కల్పించుచున్నవాడు 

ప్రాణులపోషణ చూసెడివాడు 

విశ్వజీవ సృజనము చేయువాడు 

భూతకృతిలో నిమగ్నమైనవాడు 

శ్రీ విష్ణు సహస్ర నామాలు ఉమా!

500)భోక్తా -

లోకమనుభవించు చున్నట్టివాడు 

విశ్వసృష్టిని చూచుచున్నవాడు 

భక్తిభావనను స్వీకరించువాడు 

భక్తులసహపంక్తినుండు వాడు 

శ్రీ విష్ణు సహస్రనామాలు ఉమా!

(సశేషం )