శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

486)గభస్తినేమిః -

సూర్యకిరణాలు గలిగినవాడు 

కాంతిచక్రముకు కేంద్రమైనవాడు 

మయూఖమై జ్వలించువాడు 

సూర్యనామమున్నట్టి వాడు 

శ్రీ విష్ణు సహస్రనామాలు ఉమా!

487)స్వతస్థః -

అందరిలో నుండినట్టివాడు 

తనకు తానే ఏర్పడినవాడు 

స్వయంభువు అయినట్టివాడు 

స్వతఃసిద్ధ దివ్యతగలవాడు 

శ్రీ విష్ణు సహస్ర నామాలు ఉమా!

488)సింహః -

సింహంవంటి బలమున్నవాడు 

పరాక్రమవంతుడైనట్టి వాడు 

నారసింహమై ప్రభవించినవాడు 

మృగరాజువలే శౌర్యమున్నవాడు 

శ్రీ విష్ణు సహస్రనామాలు ఉమా!

489)భూతమహేశ్వరః -

సర్వభూత ప్రభువైనవాడు 

ప్రాణులకు ఈశ్వరుడైనవాడు 

ప్రకృతిని శాశించుచున్నవాడు 

సర్వభూతముల పాలించువాడు 

శ్రీ విష్ణు సహస్ర నామాలు ఉమా!

490)ఆదిదేవ-

తొలిదేవుడు తానైనవాడు 

ఆదినుండీ దేవుడైయున్నవాడు 

మొదటి పూజామూర్తియైనవాడు 

దివ్యతలను కలిగినవాడు 

శ్రీ విష్ణు సహస్రనామాలు ఉమా!

(సశేషం )