హవిస్సు ;- మమత ఐల- హైదరాబాద్ 9247593432

రోజుకొక్క పిడుచచొప్పునాహారమును

తినే ముందు బెట్టు చుండె చెట్టు క్రిందను

కాకి ఒకటి తినుకుంటు రోజురోజున

ప్రతిఫలంబు నివ్వ దలచె పండు ముసలికి

హవిస్సులతొ తీరిపోయె ఆకలి యనుచు

వరమేదైనడుగుమని బలిమి జేసెను

తీర్చలేని కోరికని ముసలి చెప్పగా

తప్పకుండ తీర్చెదనని నొక్కిచెప్పెను

శ్రీదత్తుని దర్శనమును కోరు చుంటుని

కోరికలీవయసు నందు ఏమి లేవనె

దూరముండి జూపింతు దారి నేనని

వేంటబెట్టి తీసుకెళ్లె వేగిరంబున

దైవమువలె కానరాడు ధరణి యందున

పాద పద్మములు దొరుక పట్టి విడువకు

కాదనుచునె దర్శనంబు నిచ్చు దైవము

అనుచు జూపె దైవంబును ముసలి తాతకు