విజ్ఞుతతో ఓటేద్దాం సుపరిపాలనకు బాటేద్దాం;- అంకాల సోమయ్య దేవరుప్పుల జనగాం 9640748497

ప్రజల దశదిశమార్చుతామని

నమ్మబలుకు

నయవంచకులు

కొత్తరాగమెత్తుకొని

కొత్త దారి ఎంచుకొని

వీధి వీధి తిరుగుతుండ్రు

విలువైన నీ ఓటుకొరకు

ఇప్పుడు మంచిచెడులు 

యోచించ కుంటే

నిండమునిగేది 

మీరేనని

మరువొద్దు

నోటుకు నాటుకు లొంగొద్దు

బహుమతులు కానుకలకు

అర్రులు చాచొద్దు

నీ ఓటును కొన్నోడు

నిన్ను లెక్కచేయడు

నీ అభివృద్ధిని

నువ్వు కొరుకుంటే 

స్వేచ్ఛగా నీ ఓటు బ్యాలెట్ బాక్సులో వేయి

ఏమార్చువారుంటారు

వారినిలెక్క చేయోద్దు

కులం మతం ప్రాంతం

అంటూ 

మన మన మధ్యన్నే

చిచ్చురాజేస్తరు

మధ్యలో పెద్దమనుషులై

మనకే నీతులు వల్లిస్తారు

ఇన్ని దొంగ విశేషాలన్నింటికి

తమ గెలుపే లక్ష్యంగా పావులు కదుపుతారు

విజ్ఞుల మాట విందాం

విజ్ఞుతతో మన ఓటు వేద్దాం

ప్రజాస్వామ్యానికి బాటేద్దాం