సంకుచితత్త్వం వీడి సమసమాజం వైపు- అంకాల సోమయ్య-దేవరుప్పుల-జనగాం-9640748497

ఎందుకో 

నేను

విశాలత్వాన్ని మరిచి

స్వార్థపరత్వపు రొంపిలోకి

దిగుబడి పోతున్నాను

ఎందుకో 

నేను

సత్యాన్ని విడిచి

అసత్యాన్ని పులుముకొని

రంగులు మార్చే ఊసరవెల్లి

లా మారాను

ఎందుకో 

నేను

స్నేహ హస్తాన్ని విడిచి

కరుడుగట్టిన  కసాయోడితోని

సఖ్యతగుంటున్నాను

ఎందుకో 

నేను

కలికాలపు అవలక్షణాలను

అందిపుచ్చుకొని

నాకు నేనే నచ్చక

నేను ఇప్పుడు ఎందుకో

మథన పడుతున్నాను

నేను మనిషినా?

నేను మనిషినేనా?

అని నన్ను నేనే! ప్రశ్నించుకుంటున్నాను

ఇప్పుడు నేను మారుతున్నాను

నేను మహాత్ముని కాకపోయినా

సాధారణ పౌరుడిలాగా

జీవించాలనుకుంటున్నాను