నిరుపేద అవ్వకు దిక్కెవరు?! ;- - అంకాల సోమయ్యదేవరుప్పులజనగాం9640748497

ఉరుము ఉరిమి 

మెరుపు మెరిసి

పిడుగులేపడతే

ఊరిచివరలో కాపురముండే

నిరుపేద అవ్వకు 

//ఎవరు దిక్కు

ఎవరు దిక్కు//

దిక్కవుతాడన్న

ఒక్కగా నొక్కకొడుకు

పెళ్లాం మాటిని

తల్లిని ఎడబాసి

పట్నం వలసపోతే

ఆ నిరుపేద తల్లికి

//ఎవడు దిక్కు

ఎవరు దిక్కు//

ఆకాశానికి తూట్లుపడెనో

ఆ సూర్య భగవానుడు

నిప్పులు కక్కేనో

వరుసవానలు

వడగండ్లవానలు

కరువుకాటకాలు 

సుడులు తిరిగే

గాలి దుమారం

రవ్వగాలికే గుడిసే ఎగిరిపోతే 

ఆ అవ్వబ్రతుకు 

ఎంతనరకం

ఎంత నరకం 

//ఎవరు దిక్కు

ఎవరు దిక్కు//

ఎళ్ళకేళ్ళు 

ఊడిగం చేసెను 

తన కొనుగోలుశక్తితో

దేశ సంపద పెంచెను

ప్రతి ఐదేళ్లకు ఒకసారి

 నోటుకు నాటుకు తనఓటుఅమ్మక

మనస్సాక్షిని నమ్మి 

ఓటేసిన

ఆ అవ్వకు పక్కా యిల్లు యివ్వలేరా?!

ఆ పేదతల్లిమీద

 కాసింత దయజూపలేరా!?

ప్రజల డబ్బుతో విలాసాలు

అనుభవించే 

నేతలారా!?

బడుగు జీవుల భగ్గుమంటే

నిరుపేదలు ఎదురుతిరిగితే

దొంగ నేతలు చెరసాలలో

సేవాతత్పరులు

ప్రజాక్షేత్రంలో