దుష్టబుద్ది కలవాడు!;- కవిమిత్ర, శంకర ప్రియ., శీల ,సంచార వాణి:-98127 67098

=🚩దుష్టబుద్ధి కలవాడు

శత్రువైన, మిత్రుడైన

     ఒక్కటే! తస్మాత్ జాగ్రత్త!

వినండి! విబుధులార!

   ( అష్టాక్షరీ గీతి , శంకర ప్రియ.,)

    👌దుర్జనులనగా దుష్టబుద్ధి కలవారు! వారితో వైరము కూడదు! స్నేహము పనికిరాదు! ఎందువలననగా, బొగ్గులు చల్లగా నల్లగా  నున్నప్పుడు; తాకితే చేతులను  మసిచేస్తాయి. వేడిగా, నిప్పుతో నున్నప్పుడు; తాకితే చేతులు కాలిపోతాయి. అందువలన, దుర్మార్గులకు దూరముగా ఉంటేనే మంచిది! తస్మాత్ జాగ్రత్త!

🪷దుర్జనేన సమం వైరం

     ప్రీతిం చాపి న కారయేత్! 

     ఉష్ణో దహతి చాంగారః

     శీతః కృష్ణాయతే కరమ్!

     (....ఇది సుభాషిత రత్నము!  అనగా మంచిమాట!) 

         🚩తేట గీతి పద్యము

   దుర్జనులతోడ మైత్రియు తుదకు పగయు

   కూడదెన్నడు, సుజనులు కోర వలదు

   చల్లగానుండు బొగ్గులే జ్వాలి గనిన

   హస్తముల గాల్చు, తాకినన్, హాని చేయు!

                (జ్వాలి అనగా అగ్ని)

    [ రచన:- డా. శాస్త్రుల రఘుపతి.,]

         **************

     🚩తేటగీతి పద్యం

   దుర్జనులతో విరోధంబు, తుదకు మైత్రి 

   చేయకూడదు, చేసినన్ చేటుకలుగు

   మాడుబొగ్గును ముట్టినన్,  మసినిచేయు 

   కాంతి నిప్పును తాకినన్ కాలు చేయి!

     [ రచన:- విద్వాన్ పైడి హరనాథ రావు.,]