పండుగ ఓటు;- డా.టి.రాధాకృష్ణమాచార్యులు-9849305871

చిన్నతనంలో ఊరు ఊరంతా 

చేరేది చెరువు తొవ్వకు

పూసిన జమ్మిచెట్టుదే పొలిమేరల నడక

ఒక బతుకమ్మ  ఒక దసరా

సంబర కోలాహలం

ప్రతి పిల్లాజెల్లలదే ఆటపాట

సమ్మక్క సారక్కల సాహస కవాతు

గిరిజన ఆదివాసీల ద్వైవార్షిక పండుగ

మొక్కవోని ధైర్యం ప్రపంచ వాకిట

పరుగెత్తే నదీగీతం ప్రజాస్వామ్యం 

నిలిచే జ్ఞానసేతు పచ్చని చెట్టు ఓటు 

పండుగైన పౌరస్వేచ్ఛ దేశప్రజలకోసం