శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

681)స్తోత్రం -

స్తోత్రముల రూపములో వున్నవాడు 

కీర్తనై రచింపబడినట్టి వాడు 

మహిమాక్షరములుగా నున్నవాడు 

దేవత్వము శబ్దించుచున్నవాడు 

శ్రీవిష్ణు సహస్రనామాలు ఉమా!

682)స్తుతిః -

స్తవనక్రియ తానైనట్టివాడు 

కీర్తనముగా ధ్వనించుచున్నవాడు 

గానముతో రాజిల్లుచున్నవాడు 

భజనరూపములోన యున్నవాడు 

శ్రీవిష్ణు సహస్రనామాలు ఉమా!

683)స్తోతా-

స్తుతించు ప్రాణి తానేయైనవాడు 

పొగడిక చేయుచున్నట్టివాడు 

స్తోతగా పరిణమించువాడు 

వేదములు పఠిoచుచున్నవాడు 

శ్రీ విష్ణు సహస్రనామాలు ఉమా!

684)రణప్రియః -

యుద్ధప్రీతి కలిగినట్టివాడు 

పోరుకు ఆసక్తిగలిగినవాడు 

పౌరుషము చూపించగలవాడు 

రణస్ఫూర్తి గలిగియున్నవాడు 

శ్రీ విష్ణు సహస్రనామాలు ఉమా!

685)పూర్ణః -

సర్వమూ తానే అయినట్టివాడు 

పూర్ణస్వరూపము కలిగినవాడు 

దివ్యత్వము నిండినట్టివాడు 

శక్తిపూర్ణత్వము పొందినవాడు 

శ్రీవిష్ణు సహస్రనామాలు ఉమా!

(సశేషం )