శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

651)కామదేవః -

చతుర్విధ పురుషార్థా లిడువాడు 

భక్తులకోరికలు తీర్చువాడు 

ఆర్తులతో పూజింపబడువాడు 

కామ్యార్థులకు దేవుడైనవాడు 

శ్రీవిష్ణు సహస్రనామాలు ఉమా!

652)కామ్యపాలః -

వరములు లభింపజేయువాడు 

అనుకూలముగా నుండేవాడు 

కోరికలు సిద్ధింపజేయువాడు 

కామ్యపాలనము జేయగలవాడు 

శ్రీవిష్ణు సహస్రనామాలు ఉమా!

653)కామీ -

సకలాభీష్టములనూ తీర్చువాడు 

సర్వకోరికలు సిద్ధించినవాడు 

కామ్యఫలములు అందించువాడు 

భక్తులకు సదా కామ్య సులభుడు 

శ్రీ విష్ణు సహస్రనామాలు ఉమా!

654)కాంతా-

రమణీయ రూపమున్నట్టివాడు 

మోహినీ అవతారములోనివాడు 

సమ్మోహనరూపులోని వాడు 

లాలిత్యమైన దేహమున్నవాడు 

శ్రీ విష్ణు సహస్రనామాలు ఉమా!

655)కృతాగమః -

ఆగామ శాస్త్రాలనందించినవాడు 

శ్రుతి,స్త్రుతిలను రచించినవాడు 

వేదములు ప్రసాదించినవాడు 

కృతాగముడై యున్నట్టివాడు 

శ్రీవిష్ణు సహస్రనామాలు ఉమా!

(సశేషం )