శ్రమైక శక్తి., డా. శాస్త్రుల రఘుపతి.,

=

      🚩కంద పద్యము 

శ్రమజీవుల స్వేదమె క్షే

మము గూర్చుచు పుడమి తల్లి, మన్ననలు గనున్

తమతమ ఱెక్కల దాచక

శ్రమ నోర్చెడు వారలకు సలాములు జేతున్ (1)

        🚩 కంద పద్యము 

ఆకలి దప్పుల నెఱుగరు

పీకల లోతున నిడుమల వేదన గనుచున్

చే కలిమిని ఉత్పత్తుల

సాకెడు జనములకు నిడుదు సన్నుతులు తగన్ (2)

      🚩 కంద పద్యము 

శ్రమయే జయము నొసంగును

శ్రమ పడిననె బ్రతుకు బండి సాగుచు నుండున్

తమతమ శ్రమలను పంచెడు

శ్రమ జీవుల కెపుడు నే సలాములు జేతున్ (3)

         🚩 తేట గీతి పద్యము 

పుడమి తల్లి ఋణమ్మును భూమి పైన

శ్రమలు పడుచుండు కార్మిక జాల ఋణము

తీర్చు కోలేనిదేమియు కూర్చలేము 

క్షితిని శ్రమ జీవుల గని రక్షింప వలయు! (4)