శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

636)విశుద్ధాత్మా -

పరిశుద్ధమైన ఆత్మగలవాడు 

స్వచ్ఛ మనోరథమున్నవాడు 

భక్తులకు నిర్మలత్వమిచ్చువాడు 

విశుద్ధభావనలున్నట్టి వాడు 

శ్రీవిష్ణు సహస్రనామాలు ఉమా!

637)విశోధనః -

తనను స్మరించువార్నిగాచువాడు 

పాపనాశనము చేయగలవాడు 

సమస్యలు పరిష్కరించువాడు 

ఆత్మశోధనము గలిగించువాడు 

శ్రీవిష్ణు సహస్రనామాలు ఉమా!

638)అనిరుద్ధః -

శత్రువులడ్డగింపని వాడు 

ఆటంకము ఎరుగనట్టి వాడు 

అనిరుద్ధ  నామధేయుడు 

ప్రత్యర్థులు ఎరుగనివాడు 

శ్రీ విష్ణు సహస్రనామాలు ఉమా!

639)అప్రతి రథః -

తననెదుర్కొనువారు లేనివాడు 

ప్రతిపక్షము లేనట్టివాడు 

శత్రువులనువారు లేనివాడు 

వ్యతిరేకులు యుండనివాడు 

శ్రీ విష్ణు సహస్రనామాలు ఉమా!

640)ప్రద్యుమ్నః -

విశేషమైన ధనమున్నవాడు 

తన అంశలను పంచువాడు 

మన్మధునిరూపమున్నట్టివాడు 

ప్రద్యుమ్న నామమున్నవాడు 

శ్రీవిష్ణు సహస్రనామాలు ఉమా!

(సశేషం )