సజ్జనుల సహవాసం కవిమిత్ర, శంకర ప్రియ., శీల సంచార వాణి:- 99127 67098

   అందరి శ్రేయస్సు కోరి

సజ్జనుల సహవాసం

     మనోరంజక మైనది!

 ఓ ఆత్మబంధువు లార!

    [ అష్టాక్షరీ గీతి., శంకర ప్రియ]

👌లోకంలో మంచిగంధం.. సువాసనతో చల్లదనమును కలిగి స్తుంది! ఆ మంచిగంధము కంటే చంద్రుడు.. వెన్నెలను వెదజల్లుతూ, చల్లదనము కలిగిస్తాడు! ఆ విధంగా, మంచి గంధము, చంద్రుడు... రెండింటి కంటెను... అందరి మేలును ఆకాంక్షించు; సజ్జనుల సహవాసము .. మిక్కిలి చల్లదనమును కలుగజేస్తుంది. అనగా, మనసుకి ఆహ్లాదమును, ప్రశాంతతను... సమకూరుస్తుంది. బహు విధములైన ప్రయోజనములను అనుగ్రహిస్తుంది. అందువలన సత్పురుషుల సాంగత్య ప్రభావం అభివర్ణింపలేము!

 👌మంచి మాట

చందనం శీతలం లోకే 

చందనా దపి చంద్రమా1

చంద్ర చందన యోర్మధ్యే 

శీతలా సాధు సంగత:!

    [ .... సుభాషిత రత్నావళి .,]

        🚩తేట గీతి పద్యము 

  జగము నందున చంద్రుండు చందనమ్ము

  చల్లదనము నొసగ నౌను సంతసమున

  సజ్జనులదగు సాంగత్య సంఘ మరయ

  నంతకంటెను మించు సత్సంపదౌను!

      [తెలుగు సేత:- డా. శాస్త్రుల రఘుపతి.,]

         *************

        🚩తేట గీతి పద్యము 

  చందనము లోకమందున చల్లదనము 

  చందనము కంటె చంద్రుండు చల్లదనము 

  చందనము చంద్రులను మించి చల్లదనము 

  సజ్జనులయొక్క సాంగత్య మిజ్జగమున.

    [తెలుగు సేత: విద్వాన్, పైడి హరనాథ రావు.,]