శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

841)మహాన్ -

దేశకాలాదులు లేకుండువాడు 

పరిమితిని అధిగమించిన వాడు 

మహానుభావుడైన భగవంతుడు 

కాలరాహిత్యము గలిగినవాడు 

శ్రీ విష్ణు సహస్రనామాలు ఉమా!

842)అధృతః -

సర్వమూ తనే ధరించినవాడు 

తనను ధరించునది లేనివాడు 

తనకంటే కీర్తిలేనట్టి వాడు 

తనను మించునది యుండనివాడు 

శ్రీవిష్ణు సహస్రనామాలు ఉమా!

843)స్వధృతః -

తనకుతానే ఆధారమైనవాడు 

స్వకీయమైన కీర్తియున్నవాడు 

గొప్ప యోగమున్నట్టి వాడు 

ధైర్యము సంతోషము గలవాడు 

శ్రీవిష్ణు సహస్రనామాలు ఉమా!

844)స్వాస్వః -

విశ్వ శ్రేయోభిలాషియైనవాడు 

స్వస్థతను కలిగించగలవాడు 

వేదములు వెలువరించినవాడు 

విశ్వరక్షణ చేసినవాడు 

శ్రీ విష్ణు సహస్రనామాలు ఉమా!

845)ప్రాగ్వంశః -

ప్రాచీనుడు అయివున్నట్టివాడు 

చిరకాలముగా విలసిల్లువాడు 

పురాతన వంశములోని వాడు 

అనాదిగా స్థిరముగా నున్నవాడు 

శ్రీవిష్ణు సహస్రనామాలు ఉమా!

(సశేషం )