గురువు;- డా.టి.రాధాకృష్ణమాచార్యులు;9849305871

లఘువంత మొక్కను చదువుమనిషిని చేసి

గురుస్థానంలో నిలిపిన బోధి చెట్టు

అహం తుప్పు వదిలించి సభ్యత ఋజువర్తన  నేర్పే సమతాక్షర సూర్యుడు 

వృత్తులేవైన సమాజాన దీపం వెలుగులు పంచే మంచిని పెంచే   

జ్ఞాన హృదయం

జాతికి వెలుగుల కళలద్దిన తెల్ల కాగితం 

సిరా చుక్కల తడిని తెలిపిన ఆర్తిగీతం

వ్యక్తిత్వం పోతపోసిన నల్లబల్ల అక్షరం 

నా బతుకు సమరంలో వెన్నంటి నిలిచి  చదువు నేర్పిన సాహసం

కన్నీళ్ళూ కడగండ్లను కడతేర్చ బడిపాఠమై బతుకుజీవిని మలిచిన మహోన్నత శక్తి గురువు

చేసె తలవంచి దండాలు 

నా సప్తతి వర్ష అక్షర జీవధారంతా  

వెలకట్టలేని విద్యాబుద్దుల ఖడ్గ సృష్టికి 

మొక్కెద చేతుల ఎద విప్పి