ఊరుగాలి ఈల 35:- డా.టి.రాధాకృష్ణమాచార్యులు

క్రిస్మస్ వెలుగులు కొత్త సంవత్సర కాంతులీనేల 

బహు భాషల వాకిలి ప్రపంచమైన తేజ నగరి

జ్ఞాన మనిషి కళల రేడు విజ్ఞాన వికాస పత్రం

అమ్మ ప్రేమ పాలగోకు ఇంటితోటల ఊరుబాట

కొత్త నది అలల జలకాలు అక్షరాల కొత్త కిటికి సిటీ

మంచి అందించే వేదికలు పెంచు ఆలోచన ద్రుతి

బతుకు బాట నడిచే తొవ్వలో మజిలీ నగరి కోరి

చదువని విషయాల చదివిన దీవించే నన్ను నగరి

నూతి కప్ప కాని మనిషి సాధన తిరిగే గనులు

బతుకు బాధలకు నగర మెలకువ మూస వీధి

మనిషి వృత్తం యతి ప్రాసల పల్లె చేరే  కొత్త దీప్తి 

పసిడి వన్నె హెచ్చు కాలిన నగర కుంపటి నేర్పు

ఆశలేని మనిషి జావగారే అస్థిక ఊరైన నగరైన

తలపు దారాలల్లు వలపు వస్త్రాలే పల్లె పేట భేష్

వీధి దీపం తల్లివేరు కరెంటు లైట్లు చూపే విశ్వం

కొత్తపుంతల నింగి పేట విలువల నేల పల్లె కన్ను

ఆకలికి సాపాటు మృష్టాన్న జొన్నన్నాలు పేటపల్లె  

వేరైన దారుల గమ్యమొకటైన మనిషి మట్టిసాక్షి

వీధి బాగోతాలు సినిమా పొంగుల  కళల మనిషి

కెంపు స్కాచ్ మధువు ఆడిపాడే మది పల్లెపేట

ఎప్పుడేది బతుకో ఎక్కడో వెతికే జీవి వివేకి ఇల

====================================

(ఇంకా ఉంది)