రైతన్న బాట:- ఉండ్రాళ్ళ రాజేశం -సిద్దిపేట--9966946084

  వేకువ జామున  నిద్ర లేచిండు 
 చేతిన కర్ర పట్టిండు
 పరుగుల దారిన వెళ్ళిండు 
 మోటలు దండిగా కొట్టిండు
 గోజల పేడా తీసిండు 
 ఒడ్డున గుంటలు పూర్చిండు
 గలుమలు సరిగా చేసిండు
 గేదెల పాలు ఇంటికి పంపిండు 
 నాగలి పట్టి దున్నిండు 
 గొర్రును చక్కగా తింపిండు
 నారును మడిలో  పంచిండు
 నాటును చక్కగా వేయించిండు
 ఎరువులు నిండగా చల్లిండు 
 కలుపును బాగా తీయించిండు
 పచ్చగ పైరును పెంచిండు
 గొలుసుల వరిని చూసి మురిసిండు
 ధాన్యపు రాసులు పోసిండు
 ఎడ్ల బండిలో బస్తాలు తరలించిండు 
 అవనికి అన్నం పెట్టిండు 
 రైతన్ననని సంబుర పడిండు
 ఇంటికి పొలానికి బాటలేసిండు