మేలుకొలుపులు - డాక్టర్ అడిగొప్పుల సదయ్య

07.

ప్రాతమందున లేచి పక్షులు పల్కరింపులు చేయుచున్ 

పాత వార్తలు పంచుకొంచును పంతమాడుచు నవ్వుచున్

లేత పక్షులు గూటినంటియు లీలగన్ నుతియించగా,

మేతకై చనె; రంగనాయక! మేలుకో, ధరనేలుకో!

08.

మేలి ముత్యములోలె నాకుల మించు హేమపు బిందువుల్ 

తూలి గాలికి వాలె నేలకు తుంపరై చిరు కంపమై;

పాలు పిండను గొల్లవారలు పైర పాకల దూరగా,

మేలి దైవమ! మ్రోల నిల్తిమి, మేలుకో, ధరనేలుకో!

నిఘంటువు:

మించు= మెరయు

హేమము=మంచు

కంపము=వణుకు

పైరము=ఆవు/పశువు

==========================

డాక్టర్ అడిగొప్పుల సదయ్య 

వ్యవస్థాపక అధ్యక్షుడు 

మహతీ సాహితీ కవిసంగమం 

కరీంనగర్

9963991125