లోకం సమస్తం శుభం:-డా.పివిఎల్ సుబ్బారావు,-శ్రీమతి కె .వీరమాత..

1.

గతం 2024 స్మృతి! 

వర్తమానం 2025 ప్రగతి! 

భవిష్యత్తు 2026 పురోగతి!

2.

ఆది అంతం లేనిది కాలం !

ఆది అంతాల మధ్య జీవితం! 

దైవకృపతో ప్రారంభం జీవనం! 

మనోహరంగా ముగియాలి!

 ఉన్నా పోయినట్లు గాక! 

పోయినా ఉన్నట్లనిపించాలి!

3.

మనంజీవితాన్ని,

               మలచుకోవాలి!

 జనం ఆ జీవనం ,

              తలచుకోవాలి!

గతం ఓ అలుక్కుపోయిన,  

                రంగులచిత్రం! 

వర్తమానం శ్రద్ధగా గీస్తున్న,   

      సప్తవర్ణ శోభిత చిత్రం! 

భవిష్యత్తు ఊహకందని,

      కాలంగీసే  విచిత్రచిత్రం! 

4.

మనకు తెలిసిన క్షణం ,

                      మన ఆది! 

అంతం ఆసన్నమయ్యే,

    క్షణమేదో తెలియనిది!

 ఈ జాగరూకతే ,

    అవసరం అనుక్షణం!

-----------------------------

నూతన ఆంగ్ల సంవత్సరం, 2025 శుభాకాంక్షలు, అందిస్తూ ,

డా.పివిఎల్ సుబ్బారావు,

శ్రీమతి కె .వీరమాత..