వారలం -పోరలం:- గుర్రాల లక్ష్మారెడ్డి కల్వకుర్తి.-సెల్.9491387977 .-నాగర్ కర్నూల్ జిల్లా.

గుడి గంటలు కొట్టే పిల్లలం

బడిబాటలు పట్టే మల్లెలం

వడి వడిగా నడిచే వారలం

జడివానకు బెదరని పోరలం !

మా బడిలో గురువును చూస్తాం

మేం గుడిలో దైవ ప్రదక్షణ చేస్తాం

ఆ గురువుకు గురుదక్షిణ ఇస్తాం

మా గుడిలో దైవ ప్రార్థన చేస్తాం

మా గుడి పూజారిని కలుస్తాం

మా భక్త జనులను పిలుస్తాం

మేం శివ సత్తులను పిలిపిస్తాం

మా అగరొత్తులను  వెలిగిస్తాం !

బడిలో చదువులు చదువుతాం

వడి వడిగా మేము ఎదుగుతాం

గుడిలో భజనలు మేం జరిపిస్తాం

మడిజనులను ఇక  మురిపిస్తాం!

నిత్యం గురువు మాట వింటం

సత్యం గురువే దిక్కని అంటం

గురుపత్నిని మాతని పిలుస్తాం

గురువే మాదైవం అని తలుస్తాం !