మేము చిన్న పిల్లలం:- --గద్వాల సోమన్న ,9966414580

లేలేత కొమ్మలం

మాట్లాడే బొమ్మలం

చిన్నారి పిల్లలం

సన్నజాజి మొగ్గలం

విహరించే ఖగములం

చిగురించే తరువులం

ప్రకాశించు  భానులం

వికసించే పూవులం

కొమ్మ మీద గువ్వలం

అమ్మ ఒడిని పిల్లలం

రమళించే మువ్వలం

సెలయేరుల తరగలం

సదనంలో వెలుగులం

వదనంలో నగవులం

భారతి ప్రియ పుత్రులం

గగనంలో తారలం

బడికెళ్లే బాలలం

గుడిలోని ఇలవేల్పులం

వడి వడిగా వృద్ధినొందు

మడిలోని  చిరు మొలకలం

మేము చిన్న పిల్లలం

అందమైన పల్లెలం

తొలకరి చిరు జల్లులం

నింగిని హరివిల్లులం