ఓం శివోహం:- కె.కె.తాయారు

ఓం శివోహం ఓం శివోహం హర హర మహాదేవ 

ఓ శంకర హర హర మహాదేవ

రక్ష మామ్ రక్ష మాం, పాహిమాం పాహిమాం ఓం నమశ్శివాయ

మన్నులో మట్టై పోయే జీవితానికి

ఊపిరి నీవే శివయ్య కాపరి నీవే 

శివశివం శివం శివం అంటే ఉన్నానంటావయ్యా

సర్వాంగ సుందరం నీ నామం! భజేహం!

భజేహం భజేహం విభూతి రాయా

విశ్వేశ్వరుడివి నీవే          

అన్నీ వలదనీ బూడిదే నాకు పరమ  

ప్రీతికరమని ఆనందిస్తావు, జీవుడే సర్వమని!!

తల పైన నెలవంక చిరు మందహాసాల

ఒకపక్క గంగమ్మ పరుగులిడుతు

మెడలోని నాగాభరణం నవ్వుతుంటే

డమరుకం త్రిశూలం ఆసరానీకని

అలంకారలనీ చాటిచెబుతావే!!!

సృష్టినే నీ చేత పట్టిన వాడా , ఏమి తెలియని

అమాయకుడివా బాగు బాగుంది 

ఎంత గడిసరివి అంతా నీదే కదా ఆదరించ

 ఏది లేదంటావు అంతా నీదే కదా!!!

ఏమీ కాదంటావు కానీ కన్నీటితో తలుస్తే

పరుగు పరుగున వస్తావు ఎంత మంచి వాడివి నా శివయ్యా ! 

ఎంత మహిమాన్వితుడవు నా శివయ్యా! ఓం శివయ్యా !!