మారిన సంస్కృతి:- భైరగోని రామచంద్రము:-చరవాణి :9848518597.

కట్టు బొట్టుకు నిలయమైనది 

భారత సంస్కృతి బంగారు సంస్కృతి మనది 

పండుగకు పబ్బనికి పట్టం కడుతూనే 

విష సంస్కృతి బీజం వేస్తున్నారు.

కాలమనె కండ్లకు గంతలు కట్టి 

చెడ్డిలాంటి మిడ్డీలేసుకొని 

యువతి తెగ పోజు కొడుతోంది 

తల్లి దండ్రులు ఈ సంస్కృతి 

వొద్దన్న వినకుండా తిడుతోంది.

లేనోళ్ల ఇంట్ల అతుకులేసుకున్న లాగులు, ప్యాంట్లు  

ఉన్నోళ్ల ఇండ్లల్లా కనిపిస్తుండే 

చెడు తిరుగుళ్ళు తిరుగుకుంటూ చేయకూడని పనులెన్నో చేస్తున్నరు 

వినయంగా మాట్లాడుకోకుండా 

వినకూడని మాటలెన్నో మాట్లాడుతున్నరు 

చెడు చూడొద్దు చెడు వినొద్దు 

చెడు మాట్లాడొద్దు అని 

మాట్లాడిన మహాత్మ మాట 

కాదంటున్నరు.

జనులు తాటి చెట్టుకు పుట్టిన సురాపానకం వదిలి పెట్టి 

ప్రాణాలు తీసే ఆల్కహాల్ తో తయారు చేసిన బీర్ బ్రాండీలు విస్కీలలో మునిగి తెలుతున్నారు 

ప్రాణాన్ని తీసుకుంటున్నారు.

దైవములా చూసుకోవాల్సిన 

మాతృ పితృలను ఆనాధ ఆశ్రమాలకు అప్పగిస్తున్నరు 

విదేశాలు అంటూ వెళ్లి 

తల్లి దండ్రులు కాలం చేసిన 

రాలేక పోతున్నరు.

భైరగోని రామచంద్రము:-చరవాణి :9848518597. 

స్కూల్ అసిస్టెంట్, తెలుగు 

ప్రభుత్వ ఉన్నత పాఠశాల, రాజ్ భవన్, సోమాజిగూడ 

హైదరాబాద్, 500041.