నక్క రంగులో కుక్కపిల్ల :- ఎడ్ల లక్ష్మి
కక్కయ్య తాత వచ్చాడు 
కుక్క పిల్లను తెచ్చాడు
నక్క రంగు వేశాడు 
చుక్క బొట్టు పెట్టాడు 

వీధిలోకి వదిలాడు 
పరుగులు తీస్తూ ఊరికింది 
పిల్లలు దాన్ని చూశారు 
నక్క అంటూ అరిచారు 

అక్కా చెల్లిని పిలిచారు 
దానితో ఆడుటకు చూశారు 
బౌ బౌమని అరుస్తూ అది
దొరకకుండా ఉరికింది 

గురువయ్య గుడిసెల కెళ్ళింది
గుంపులు గుంపులు పిల్లలు 
గురవయ్య వద్దకు చేరారు 
వారికి నిజము చెప్పాడు 


కామెంట్‌లు