నిలువెత్తు మనీషి:- డా.టి.రాధాకృష్ణమాచార్యుల-9849305871

అతడు 

నిలువెత్తు మనిషి

యుద్ధనీతి ఎరిగిన గొప్ప మౌనముని

ఆ ఊపిరి

ప్రగతిశీల శాంతి సౌరభాల వెలుగు దారిలో  

అవిశ్రాంత మేదోమధనం 

అతడు

ఇలలో తడియారని గొంతుక

సామాన్యులలో అసమాన్య అక్షరాయుధం మేలుకొలుపు

ఆయన

జీవితమే సంఘర్షణ మిరుగులు విసిరిన స్వేచ్ఛాపథం

ఆ చూపు 

ఆర్తుల హక్కుల సాధనలో  పౌర సామాజిక సమాచార అస్త్రాలతో సాగే అలుపెరుగని పోరు రహదారి

ఆ పాట

నేలపై కాళ్ళూని నీలి పొర కింద

నడయాడిన 

సర్వ స్వతంత్ర భావ సంగమ ప్రేరణ గీతం

ఆ మనస్ఫూర్తి నవ్వు 

విరిసిన తోట తిరిగిన సుమదళం

రోజూ కొత్తగా గొప్పగా

తెరిచిన విండో లోక్ సత్తా జండా

ఆ మాట

ఓ భరోసా ఒక నమ్మకం

అన్యాయం అక్రమాలనెదిరించిన ఉద్యమ కెరటం 

ఆ సౌమ్యం 

ఓ ఆత్మీయ సాదర మైత్రి యాత్రల 

చెరిగిపోని చరిత్ర

ఆ నడక

అమలిన స్నేహం

కొంత మెత్తగా, ఓర్పుగా నొప్పించక

పెళ్ళుబికిన సహృదయ సముద్రగర్భం 

ఆ ఆలోచన

తాడిత పీడితుల దృష్టికోణం

బెదింపులకు లొంగని ఉక్కు సంకల్పం 

ఎందరో మిత్రులకు అండైన కొండ

అందరికీ అరుదైన బంధువతడే

కలిసి తిరిగిన గొప్ప సంఘసంస్కర్త

మానేరు మట్టిలో నడిచిన అసమాన్యశక్తి

అతడే నరెడ్ల శ్రీనివాస్

ఓ మహోన్నత సామాజిక మానవీయ శిఖరం

కరీంనగర్ గడియారం గంటలైన మోగిన నిలువెత్తు మనీషి

========================================

( కరీంనగర్ ఫిల్మ్ భవన్ లో నరెడ్ల శ్రీనివాస్ విగ్రహావిష్కరణ వేళ) ఓ స్నేహమయి నివాళి ....