ఎంతకాలం?:- జంజం కోదండ రామయ్య-జమ్మిపాళెం

సాహితీ కవి కళాపీఠం

సాహితీ కెరటాలు

================

ఆలుమగలు అన్నతరువాత

అనుకోరా ఒక మాట

అంత మాత్రానికే

పట్టాలా అలక బాట...?

మన తోటలోని పువ్వులన్నీ

నువ్వు లేవని

సౌరబాలు వెదజల్లటం మాని

శిరసులు వంచుకున్నాయి...!!

కరిమబ్బులు

నా వేదనను గాంచి

కరిగి నా కనులలో నీరైనాయి...!!

నీవులేని నిండు పున్నమి

అమావాసగా మారింది

కటిక చీకటియై

నన్ను కాటేసింది....!!

నిజంగా నామీద ప్రేమ వుంటే

నన్ను ఏకాకిని చేస్తావా?

ప్రేమంటే ఒక అమృతం

అది లేని నాడు వృధా జీవితం...!!!