భారీ వృక్షం - సైనిక రక్షణ:- - యామిజాల జగదీశ్

 1900లో, యోస్మైట్‌లోని 'గ్రిజ్లీ జెయింట్' సీక్వోయా వృక్షం ముందర గుర్రంపై సైనికులు ఇలా పోజులిచ్చారు. ఈ భారీ వృక్షం ఈనాటికీ ఉంది. 
యోస్మైట్ నేషనల్ పార్క్ సియెర్రా నెవాడా పర్వత శ్రేణిలోని సెంట్రల్ కాలిఫోర్నియాలో ఉంది. ఇది గ్రానైట్ శిఖరాలు, జలపాతాలు, భారీ సీక్వోయా వృక్షాలు, విభిన్న ప్రకృతి దృశ్యాలకు ప్రసిద్ధి. ఈ ఉద్యానవనం శాన్ ఫ్రాన్సిస్కోకు తూర్పున 140 మైళ్ళ (225 కిలోమీటర్లు) దూరంలో ఉంది. 
యోస్మైట్ నేషనల్ పార్క్‌లోని మారిపోసా గ్రోవ్‌లో ఉన్న ఈ వృక్షం 
అతిపెద్ద సీక్వోయాలలో ఒకటి. దాని కాండం 209 అడుగుల పొడవు. 30 అడుగుల కంటే ఎక్కువ వ్యాసం కలిగి ఉంది. 
ఈ వృక్షం 2,000 సంవత్సరాలకు పైగా పురాతనమైనదని అంచనా. ఈ వృక్షం సియెర్రా నెవాడాలోని ప్రత్యేక వాతావరణంలో ఏపుగా పెరిగినది. దాని మందం, అగ్ని నిరోధక బెరడు  ప్రసిద్ధి. 
నేషనల్ పార్క్ ఏర్పడక ముందు ఈ చెట్ల సహజ అద్భుతాలను రక్షించడానికి దాని చుట్టూ అమెరికాకు చెందిన సైనిక అశ్విక దళాన్ని మోహరించేవారు. ఈ సైనికదళాన్ని బఫెలో సోల్జర్స్ అని పిలిచేవారు. ఈ సైనికులు వేట, అక్రమ కలప నరికివేత నుండి పార్కును రక్షించడంలో కీలక పాత్ర పోషించారు. భవిష్యత్ తరాల కోసం 'గ్రిజ్లీ జెయింట్' వంటి సంపదను సంరక్షించడంలో దోహదపడ్డారు.