ధనము-గుణము..!:- కాకర్ల రమణయ్య- గుడిపాటిపల్లి

 సాహితీ కవికళాపీఠం
సాహితీ కెరటాలు 
============
ఆకలిని తీర్చునది - భోగమును కూర్చునది..!
ఆర్భాటము అందించునది – ఆరోగ్యమును కొనునది..!
శోభను పెంచునది -సోకుకు సొగసులు అద్దునది..!
హోదాను పెంచునది -హొయలు గోలుపునది..!
చదువులకు చేయూత నివ్వునది – చందమామను చేతికి అందించునది..!
అద్దముల మేడను ఇచ్చునది – అద్ద మంత మనసు లేనిది ...!
ఐశ్వర్యమునకు జత కూడునది – ఆత్మసాక్షిని చంపి వేయ గలిగినది..!
ధనము దాని నామము – ధనవంతుల వెట్టి దాని ఖర్మము ...!
ధనమునకు దూరముగా ఉండునది – ఆత్మాభిమానం హెచ్చుగా కలిగినది..!
పేదవానికి పెన్నిది – సహృదయులకు ఆత్మ భందువు..!
పిల్లలతో చెలిమి చేయునది – ఖర్మలకు తలోగ్గనిది...!
ప్రలోభాలకు లొంగనిది – ప్రతీకారాలు కోరనిది....!
దొడ్డ మనుషులలో ఉన్నది –దొడ్డి దారిన రానిది...!
అత్తలోన ఉండిన – కలతలు లేని కాపురము...!   
కోడలి లోన ఉండిన – కుటుంభమే నందనవనం...!
ఆస్తులు పెరిగినా తరగదు –హోదాలు వచ్చినా మురవదు...!
దాని నామమే గుణము – దాని లక్ష్యమే లోక కళ్యాణం ..!