యువకుడా:- కాకర్ల రమణయ్య-గుడిపాటిపల్లి

సాహితీ కవి కళా పీఠం

సాహితీ కెరటాలు

----------------------

ఓ నా భారత దేశమా..

ఓనా యువకులారా

కులాల కుంపట్ల లో 

మతాల అగ్ని గుండాలు నిత్యం రగుతూనే ఉన్నాయి.

పోయిన ప్రాణం లో మతాన్ని వెదికే దేశభక్తి మనది.

ఛిద్రమైన శరీరం లో కులాన్ని 

కనుక్కునే కుహనా సంస్కారం మనది.

ముష్కరులు రంకె వేస్తే

ప్రతి పౌరుడు సైనికుడు కావాలిసిన తరుణం లో 

 రొమ్ము విరిచి కధన రంగం లో దూకాలిసిన పరువం లో

క్రికెట్ మైదానం లో దేశభక్తిని 

కలగంటున్నావు..

ఉత్పత్తి రంగాన్ని ఉరుకు లెత్తించాలిసిన రక్తం లో

 మత ప్రభోదాల సిరాను ఎక్కిస్తున్నావు..

తప్పొప్పులు తెలుసుకోవాలిసిన విచక్షణకు

 వాట్సప్ గ్రూప్ ల  చెత్తను మేత వేస్తున్నావు..

  

ఓ యువకూడా ఇప్పటికైనా కళ్ళు తెరువు..

నిజాలు నిగ్గు తేల్చి

వాస్తవాలలో జీవించు..!

 అసత్యాల చిట్టాను చిదిమి వేసి అలోచనలు రేకెత్తించు...!