రక్తంతో రవీంద్రనాథ్ టాగోర్ చిత్రపటం!: - - యామిజాల జగదీశ్

 విశ్వకవి రవీంద్రనాథ్ టాగోర్‌కు 1913లో లభించిన నోబెల్ బహుమతి పతకం 2004 మార్చి 24న చోరీకి గురైంది. అయితే 2016లో, దొంగలకు ఆశ్రయం కల్పించాడనే ఆరోపణలపై ఒక గాయకుడిని అరెస్టు చేశారు. కానీ పతకాన్ని తిరిగి స్వాధీనం చేసుకోలేకపోయారు. 
విచారణలో, ఒక బంగ్లాదేశ్ జాతీయుడితో పాటు ఇద్దరు యూరోపియన్లు ఈ దొంగతనంలో పాలుపంచుకున్నట్లు వెల్లడైంది. 
ఆ తర్వాత, బంగారంతో చేసిన ఒకటి, వెండితో చేసిన మరొకటి, రెండు ప్రతిరూపాలను స్వీడన్ ప్రభుత్వం విశ్వభారతి విశ్వవిద్యాలయానికి బహూకరించింది.
 సిబిఐ ఈ కేసును స్వీకరించినప్పటికీ, పతకాన్ని తిరిగి రాబట్టడంలో విఫలమై 2007లో కేసును మూసివేసింది. 
అయితే రాజకీయ ఒత్తిడి కారణంగా, ఈ కేసుపై 2008లో తిరిగి దర్యాప్తు చేపట్టి 2009లో మళ్ళీ కేసు మూసి వేశారు.
ఇదిలా ఉండగా, 2004 మార్చి 31న, చెన్నైలో కరాటే నిపుణుడు, చిత్రకారుడైన షిహాన్ హుస్సేని, నోబెల్ పతకాన్ని కోల్పోయిన ఆవేదనను వ్యక్తం చేయడానికి, 36 మంది విద్యార్థులు దానం చేసిన రక్తంతో 10 అడుగుల ఎత్తైన రవీంద్రనాథ్ టాగోర్ చిత్రపటాన్ని గీశారు. 
ప్రభుత్వ లలిత కళల కళాశాలలోని కళ, శిల్పకళా విద్యార్థుల నుండి సేకరించిన రక్తాన్ని ఉపయోగించి కేవలం 20 నిమిషాల్లో ఈ చిత్రపటాన్ని పూర్తి చేయడం గమనార్హం. 
ఈ సందర్భంగా హుస్సేని ఓ ప్రకటనలో "మా హృదయం దేనినీ కోల్పోలేదు — రవీంద్రనాథ్," అని పేర్కొన్నారు.