ఓరోరి పిలగా....: - - జంపాల మీనయ్య

ఓరోరి పిలగా 

ఉన్నూరు పిలగా 

ఊరకనె తిరగకుర ఊరంతా 

వృధాగ పోతుంది సమయమూ 

బతుకంతా......భారమూ 

"

ఓరోరి "

సర్కారు బడి నీ చెంతనే ఉన్నది 

చదువు కోడానికి రమ్మంటున్నది 

ఉచితంగనే నీకు చదువుందిరా 

ఊరొదిలి నీవు వెళ్ళొద్దురా 

"ఓరోరి "

పుస్తకాలిస్తరు,నోటుబుక్లస్తారు

డిజిటల్ పాఠాలు బోధిస్తరూ 

ఆటల పీర్యడ్లొ ఆడిస్తరు 

మధ్యాన్న భోజనం పెట్టిస్తరూ 

ఊరొదిలి నీవు వెళ్ళొద్దురా 

"ఓరోరి "

ఫీజుల మోతలు మోగిస్తరు 

బట్టీల చదువులు చదివిస్తరు 

చదివెటోడిని అందరికి చూపిస్తరు 

చదవని వాళ్ళని వదిలేస్తరు 

ప్రైవేటు బడి మోజు నీకొద్దురా 

ఊరొదిలి నీవు వెళ్ళొద్దురా 

"ఓరోరి,"