94వ సర్గ : - ఎడ్ల లక్ష్మి -సిద్దిపేట

శ్రీరాముడు సీతాదేవితో  చిత్రకూటపర్వతప్రదేశమున విహరించుట

 

శ్రీరామునకు గిరులు దర్శించుటయందును 

వనములో విహరించుటకును 

మక్కువ ఎక్కువ సీతా లక్ష్మణులతో 

శ్రీరాముడు వనమున సంచరించుచు

సీతాదేవిని సంతోషముగా ఉంచుటకై 

చిత్రవిచిత్రములైన ఆ పర్వతశోభలను

తీరము చుట్టూ ఉన్న పుష్పములను 

శ్రీరాముడు ఆమెకు చూపుచుండెను. 

"ఓ శుభాంగీ! రాజ్యాధికారము దూరమైనగాని 

మిత్రులు చేరువలో లేనప్పటికీని 

ఇచ్చట రమణీయ దృశ్యములను చూచుచు

నా మనసు ఆనందంతో యున్నది. 

ఓ సుందరీ! ఈ చిత్రకూట పర్వతముయొక్క

అందాలపై నీదృష్టిని ప్రసరింపజేయుము 

ఎత్తైన శిఖరములు దీనిని తాకుచున్నవి 

దాని పైనుండి వచ్చు జలాలు కనువిందు జేస్తున్నాయి.

ఓ కళ్యాణీ! ఆహ్లాదకరమైన కొండల వద్ద 

ప్రేమానురాగంతో జంటలు జంటలుగా 

విహరించే కిన్నెర జాతి వారిని జూడుము

నీకు కూడా ఆనందంగా యుండును.